This is an example of a HTML caption with a link.
:::
學校今年製作的臺語微電影榮獲 104 年度臺南市臺語微電影比賽──第三名佳績！由林婉瑜老師、黃雅貴老師製作、謝清美老師翻譯、黃惠君老師攝影、剪輯，以學校特色─足球為主題，帶出踢足球的樂趣與足球教練一直強調的運動家精神─「踢球歡喜就好，輸贏無要緊」。
「跤球、跤球、逐家鬥陣踢跤球，踢來踢去大聲咻……」這是勝利的囡仔上佮意做的代誌─踢跤球。想像勝利的囡仔佇青翠的草埔走傱，享受風搧佇面裡，感受心佮跤做伙走、跳，綴著同伴大聲喝咻，你踢我閘、我踢你擋，拚跤力為著看彼粒球「咻~」入球門，總是舞甲大粒泣細粒汗的畫面，這是東區勝利國小佇課後的經典畫面。
勝利的跤球是佇全國排有著等，嘛是學校的特色。定定佇放學了後，時常會當看著勝利的囡仔用一粒球予熟似抑是毋捌的攏耍耍做伙，佇跤球的世界裡，無生份的礙虐，每一仲囡仔攏會當佇踢跤球裡揣著自信佮快樂。所以會當予人選牢跤隊的隊員是真濟囡仔的夢想。
透過影片中的主角「膨糖」和「含仔糖」，參與跤球社團一寡心適閣趣味的代誌，對為著欲求勝利不擇手段到明白享受踢球的歡喜，劇情的安排看出影片中的主題，嘛是勝利跤球教練的名言─「輸贏無要緊，快樂就好，運動精神上重要！」